Porque estamos 'de olho no conflito lingüístico em Trasancos'

Este espaço é umha iniciativa da Fundaçom Artábria para centralizar as informaçons que diariamente aparecem nos meios de comunicaçom ou que nos chegam por outras vias, relacionadas com o conflito lingüístico no ámbito da comarca de Trasancos.

O objectivo é oferecer e arquivar toda essa documentaçom para poder ser consultada por qualquer pessoa ou entidade interessada na defesa dos direitos lingüísticos galegos na nossa comarca, formada polos concelhos de Ferrol, Narom, Fene, Neda, Mugardos, Sam Sadurninho, Moeche, Ares e as Somoças.

Embora o foco esteja na comarca de Trasancos, som incluídas também quaisquer informaçons genéricas sobre a Galiza, bem como sobre outros aspectos sociolingüísticos, que afectam a esta comarca de maneira mais ou menos directa.

Para evitar qualquer distorsom das fontes, mantemo-las tal e como elas nos chegam, sem traduzir nem adaptar, por mais que o idioma do blogue seja o galego.

Como qualquer outro meio de comunicaçom, nom somos neutrais. Queremos servir à causa da plena recuperaçom dos direitos lingüísticos galegos. Mas, ao contrário que alguns deles, nós nom manipulamos.

Agradecemos o envio de qualquer informaçom de interesse ao correio electrónico: deolhotrasancos[arroba]gmail.com