Entrevista com a dirigente do PP em A Nosa Terra (19.10.2008 | 08:27)
Xan Carballa. A senadora do PP Corina Porro, sostén que todo galego debe ter a obriga de coñecer o galego pero entende que se dá unha imposición no ensino.
Pensa que o galego debe ter os mesmos dereitos que o castelán?
Afortunadamente temos dous idiomas e o galego toda persoa que viva en Galicia debe ter a obriga de coñecelo e, libremente, cada cidadán sen imposicións falar o que lle pete. ¿Isto quere dicir que teñamos que dar o 90% das asignaturas en galego?
Ningún informe oficial nin estadística dá ese dato.
En moitísimos centros concertados danse todas as asignaturas en galego menos ximnasia e relixión, por exemplo nos Xesuítas en Vigo. Estou en contra do Decreto do Ensino porque hai asignaturas científico-técnicas, como poden ser as matemáticas, nas que non pode haber imposición, porque limitas os alumnos cando van fóra. A imposición provoca rexeitamento en persoas que terían que amar o idioma da súa terra.
Daquela considera que está en perigo o castelán en Galiza, como anunciou o Manifesto en Defensa de la Lengua Común?
Iso sería unha manipulación do que penso. A miña neta desde cativiña vive rodeada dos libros dos Bolechas e doutros en galego. Eu mesma tentei perfeccionalo, leo a poesía galega e nas miñas intervencións institucionais úsoo. O que digo é que a imposición vía decreto é mala para o galego e para a nosa cultura, porque provoca rexeitamento. E non falo de porcentaxes, senón da libertade dos pais para escoller a lingua na que escolarizar os fillos. E tamén de igualdade nas relacións dos cidadáns coa administración –deben ir todas as comunicacións nas dúas linguas cooficiais–; co comercio, aos que non debe impoñerse a rotulación en galego e que iso lles condicione as axudas. Hoxe hai investigadores competentes aos que non se lle admiten traballos na Xunta ou lle rebaixan a puntuación por non estar feitos en galego. Isto é inxusto.
Fonte: A Nosa Terra.
domingo, 19 de outubro de 2008
[ANT] Entrevista com Corina Porro 'Impoñer o galego é ir contra o galego'
quinta-feira, 16 de outubro de 2008
[ANT] Unha campaña 'ao máis puro estilo batasuno'
As reaccións ante a campaña 'Chámate con xeito', que vén de lanzar a Universidade de Vigo, non se fixeron agardar. 'Libertad Digital' refírese a este proxecto como 'un planfletillo que non é máis que un compendio das teorías máis casposas, etnicistas e reaccionarias do nacionalismo galego'.
Un dos artigos que publica a páxina web Libertad Digital, titulado 'La Universidad de Vigo financia un panfleto que amenza a los que no hablan gallego', refírese á Área de Normalización Lingüística da Universidade de Vigo, como un ente que impón o galego “por medio de coacción legal e moitas veces ilegal”. Tamén fala das siluetas que aparecen no cartel como “a iconografía das obsesións da esquerda nacionalista totalitaria galega”, que segundo apunta, se sinala “ao máis estilo batasuno” cos “cartos que deberían destinarse a mellorar a dubidosa calidade dos servizos educativos que ofrece esta universidade”.
Despois de facer alusión ás “teorías máis casposas, etnicistas e reaccionarias do nacionalismo galego”, afírmase que a Universidade de Vigo gasta os cartos en “coaccionar o persoal para que cambie o seu apelido”. Tamén insta os “novos inquisidores” do “plan de desinfección” a que comecen aplicando a galeguización “ao líder do BNG, Anxo Quintana –din por Anxo Quintá–, en lugar de tirar diñeiro público e de ameazar aqueles que non se plegan ante as pretensións totalitarias dos nacionalistas”.
Relacionada coa anterior información, Libertad Digital publica un artigo de opinión asinado por Cristina Losada baixo o título “El retorno de la limpieza de sangre”. Nel fala do nacionalismo galego como “nacionalismo con z” e asevera que , “a unha universidade que permite e financia unha campaña así, débeselle despoxar de ese nome. Mantelo deshonraría unha institución que naceu apelando o universal”.
Fonte: A Nosa Terra.
quarta-feira, 15 de outubro de 2008
[ANT] 'O galego é un idioma que vende no audiovisual'
Guionista e produtor, Carlos Ares (A Coruña 1966) é un dos coordinadores do Foro Academia Aberta 2008, organizado pola Academia Galega do Audiovisual, que se está a celebrar dentro do XIII Festival de Cine Internacional de Ourense. Baixo o lema 'A lingua fendida', o debate xira ao redor da presenza do galego no audiovisual.
Cal é a realidade do galego no audiovisual?
Este ano hai en cartel 8 películas con versión orixinal en galego, unha cifra que non se acadaba nos últimos anos. Na xornada de onte do foro, dábanse cifras da película rodada en catalán máis vista no 2007. Acadou 37.000 espectadores. En Galiza, Pradolongo, de Ignacio Vilar, superou os 50.000 espectadores. Hai que ter en conta que Catalunya ten o dobre de habitantes que Galiza. É dicir, a situación estaba mal, pero empeza mellorar. O que temos que conseguir é que sexa habitual acadar 50.000 espectadores para unha película en galego. No que se refire a televisión, a TVG é a televisión autonómica que máis se ve no Estado e hai días que é líder de audiencia fronte ás cadeas estatais.
Até que punto condiciona o idioma?
Os cidadáns somos moi cómodos. Temos costume de ver as películas dobradas no Estado fronte ao que acontece en Portugal. É difícil colocar o cine en galego e chegan poucas películas francesas, vascas, catalás... Debería haber máis axudas para o subtitulado e a dobraxe pero tamén para a distribución, que é outro dos nosos grandes problemas.
Existe conciencia para os produtores de que o galego é importante ou para eles é máis ben un factor que dificulta ou facilita o financiamento e explotación da obra?
Hai de todo, pero polo xeral non existe moito cariño polo idioma por parte dos produtores.
Aféctalle o conflito da lingua aos profesionais da industria do cine?
Aféctalle, si, pero temos que comprender que o galego é unha lingua que vende cando nos referimos ao audiovisual, tanto no cine, como na televisión ou na publicidade.
Fonte: A Nosa Terra.
segunda-feira, 6 de outubro de 2008
[Vieiros] "A Academia nace cunha conciencia clara de unidade do galego-portugués"
Esta segunda feira comezou en Compostela a andaina da Academia Galega da Língua Portuguesa, unha aposta, do eido privado, para a incorporación do galego á lusofonía.
As actividades comezaron ben de mañá no Centro Galego de Arte Contemporánea (CGAC) onde o presidente da AGLP, o catedrático José-Martinho Montero Santalha, informaba da vocación "de concienciar á sociedade galega da nosa condición de lusófonos" dunha institución na que moita xente (non só académicos, mais tamén escritores, empresarios, avogados...) leva longo tempo traballando.
Montero Santalha tamén tivo un momento para lembrar a Castelao, ao intelectual "portugalego" Ernesto Guerra da Cal e a Ricardo Carvalho Calero, a quen denominou "fundador honorífico desta Academia", revelando que unha das ideas do intelectual galego era crear unha entidade coma esta, que se dirixise á reintegración da nosa lingua no portugués, ante o camiño que "estaba tomando a RAG, a comezos dos anos 80" do século XX.
Para que o mundo da lusofonía se coñeza entre si
Un traballo de décadas facíase visíbel en Compostela, nunha presentación oficial á que acudiron personalidades da vida política, académica e cultural galega, así como os doutores Malaca Casteleiro e Artur Anselmo da Academia das Ciências de Lisboa, o reitor da Universidade Aberta portuguesa, Carlos Reis, o doutor Evanildo Bechara, da Academia Brasileira das Letras e o escritor mozambicano João Craveirinha, quen viña en representación da lusofonía en África. Tamén recibiron o apoio do Goberno, coa asistencia de Xosé Antón Pérez Lema, secretario xeral de Relacións Institucionais, quen falou para a cámara de Vieiros salientando a importancia de que o noso país se incorpore á lusofonía, para ter un papel nun mundo ao que pertencen 230 millóns de persoas en todo o globo.
Cando terminaron de falar os membros na mesa de oradores, o presidente da Academia, Montero Santalha, foi lendo, un por un, os nomes dos 30 académicos que han compoñer unha institución que veu aos poucos, paseniño, pero que nace para moito tempo.
Consenso e unidade
A AGLP naceu do consenso e da unidade do reintegracionismo galego, de aqueles e aquelas que pensan que se a nosa lingua levase un camiño independente ao do portugués que se fala en Portugal, o que se fala en Brasil ou en Cabo Verde, Mozambique, Guiné-Bissau, Timor Leste, Angola, Santo Tomé e Príncipe, ou en Macau, andaría cara a súa desaparición. Na presentación de hoxe fíxose patente o consenso e unidade que existe entre os reintegracionistas do noso país para traballar en común para que Galiza se incorpore á lusofonía, e para que o mundo lusófono se coñeza entre si.
Despois da presentación da mañá, había preparadas unha chea de actividades para a tarde, como a recepción dos académicos por parte do vicerreitor de Cultura da USC e presidente da Associação Internacional de Lusitanistas (AIL), Elias Torres, un recital de poesía e a actuación do Orfeón Terra a Nosa, interpretando unha obra do profesor e compositor Joám Trillo. Mais de mañá, após a presentación e o debate, estaba preparada unha actuación musical na que, coa interpretación de Isabel Rei, se estreou unha peza de Rudesindo Soutelo, dedicada a Deu-la-deu, e catro obras para guitarra do espolio do escritor e compositor Marcial Valladares. Segundo lle contou a Vieiros Ângelo Cristóvão, presidente da Associação Cultural pró AGLP, "así temos unha peza nova, creada especialmente para o día de hoxe, e outra vella, mais recuperada e traída para ser escoitada nesta ocasión".
Un programa completo que prometen acrecentar con varias publicacións (xa presentaron o primeiro Boletim, a publicación da AGLP) e máis traballo (como a incorporacións de léxico galego a dicionarios da lingua portuguesa) aínda para andar outro pouco no camiño de acadar o recoñecemento internacional ao carácter lusófono de Galiza.
sexta-feira, 4 de julho de 2008
[El Plural] NNGG se apropia del deporte español para denunciar el "apartheid lingüístico" en País Vasco, Cataluña y Galicia
“Hoy el mundo habla español” y “Disfruta con tu lengua”. Son dos de los eslóganes de la campaña a favor del manifiesto por el castellano lanzada ayer por las Nuevas Generaciones populares de Madrid. Además de presentar imágenes provocadoras como la de una Lolita anónima saboreando un chupa-chup con los colores de la bandera, los más jóvenes del PP se han adueñado del deporte español, utilizando como reclamo a Pau Gasol, Rafa Nadal, Fernando Alonso, Alberto Contador e Iker Casillas. Según denuncia Público, fuentes de la organización han reconocido que carecen de permiso para utlilizar su imagen.
Además de no haber dado su consentimiento, que se sepa, de este grupo Casillas es el único que ha firmado el manifiesto. Lo cierto es que cuesta imaginar a estos deportistas tomando partido abiertamente en temas tan politizados.
El tríptico
Público y ABC recogen en sus ediciones de hoy el cartel, que, sin embargo, no está en la web. Allí si aparecen otras tres imágenes de la campaña: una que invita a disfrutar con un chupa-chup, otra de un niño con la lengua pintada de amarillo y rojo, y un tercer montaje con el logotipo de los rolling-stones reconvertido para la causa -también dudamos que tengan consentimiento para esto-.
"Apartheid lingüístico"
La organización juvenil manifiesta su deseo de “sumarse al manifiesto por la Lengua” y denuncia, por boca de su presidente, Pablo Casado, el “apartheid lingüístico que sufren los castellano parlantes en algunas Comunidades Autónomas como Pais Vasco, Cataluña y Galicia”. “Es indignante que en España en pleno siglo XXI no haya libertad para hablar y ser educado en la lengua común de todos los españoles”, se queja el dirigente de NNGG.
Los reclamos de NNGG
"No queremos un gobierno paternalista que nos diga en qué lengua tenemos que comunicarnos, simplemente pedimos libertad a la hora de elegir". No sabemos si alcancen su cometido, pero de momento, la libertad de utilizar a figuras públicas para esta cruzada ya se la han tomado.
Fonte: El Plural.
segunda-feira, 9 de junho de 2008
[Vieiros] O Consello da Xunta estudará incluír os xornais gratuítos nas subvencións aos medios
O BNG di, por outra banda, que o uso da normativa da RAG non debería ser un requisito para que os medios reciban axudas.
O secretario xeral de Comunicación, Fernando Salgado, avanzou este luns que lle vai propoñer ao Consello da Xunta unha modificación do decreto de 1994, que na actualidade exclúe das axudas públicas aos medios de comunicación gratuítos.
Salgado, que compareceu na Comisión Institucional do Parlamento, respondía a preguntas do deputado do PPdeG Diego Calvo, a quen retrucou que non comprende que obxectivos perseguía con esa exclusión a devandita normativa.
"Se non estaba modificado até hoxe era porque non había problema, porque non había ningún diario gratuíto integramente en galego", explicou o alto cargo en resposta a unha pregunta do deputado do BNG Bieito Lobeira, que concordou na necesidade de cambiar o decreto.
No entanto, o nacionalista non coincidiu con Salgado no feito de que para a concesión de axudas aos medios de comunicación se requira o uso de galego normativo. "Unha cousa é que a Real Academia Galega teña criterio e outra é que se use de forma inflexíbel para a concesión de axudas", advertiu.
Subvencións a medios que deturpan a toponimia
Moi ao contrario, Lobeira denunciou a existencia de subvencións polo uso do galego a medios de comunicación que, na súa opinión, se "permiten o luxo de cargarse a toponimia legal vixente". Como exemplo, citou un xornal que para se referir a un asunto acuícola en Seráns, no municipio coruñés de Porto do Son, falou de "Atardeceres, Puerto del Son, La Coruña".
En resposta, Fernando Salgado considerou "óptimo e razoábel" que os medios se deban axustar á normativa lingüística, e concluíu que os poderes públicos deben aterse ao que estabeleza a Real Academia Galega. En todo caso, explicou que á hora de conceder as axudas, a Xunta aplica "con absoluta flexibilidade" este requisito.
Fonte: Vieiros.
quarta-feira, 9 de abril de 2008
[Vieiros] O Parlamento, por unanimidade, solicita que se poidan ver canles portuguesas en Galiza, e viceversa
O BNG presentou a iniciativa, que emendaron PSdeG e PPdeG, da que saíu o texto acordado.
O Parlamento aprobou esta cuarta feira reclamar que se facilite a emisión das televisións e das radios portuguesas en Galiza e que se lle traslade ao goberno portugués o interese en que as cadeas do noso país se reciban no veciño.
A través dunha iniciativa do BNG, emendada por PSdeG e PPdeG e da que finalmente saíu un texto conxunto, exíxeselle á Xunta que se dirixa ao goberno español para que, "no prazo temporal máis inmediato posíbel", se lle dea cumprimento a estas peticións, recollidas na Carta Europea de Linguas Minoritarias, subscrita polos estados español e portugués.
Medios técnicos
No entanto, na resolución non se especifican os medios técnicos para facer efectivo o acordo e alúdese á utilización das "posibilidades técnicas precisas". Na súa redacción inicial, o BNG facía mención expresa á concesión dun novo múltiplex para a emisión en formato dixital.
Pola súa banda, o popular Diego Calvo lamentou que non se tivese en conta outra das súas peticións: a de garantir a participación de operadoras galegas nun posíbel concurso da nova frecuencia que permitirá estas emisións en formato dixital. Tampouco se incorporou a alusión do PPdeG a que as emisoras españolas tamén se reciban en Portugal.
Fonte: Vieiros.
quarta-feira, 26 de março de 2008
[ANT] A Mesa fala de 'mínimos históricos' do galego nos medios
A organización convoca unha manifestación para o 18 de maio en Santiago baixo o lema “Polo dereito a vivirmos en galego”. Callón considera que houbo melloras na atención ao galego na CRTVG.
“Polo dereito a vivirmos en galego”. Este é o lema da manifestación que organiza a Mesa pola Normalización Lingüística en Santiago para o domingo 18 de maio. Na presentación da protesta, o presidente da organización, Carlos Callón, alertou do retroceso que sofre a lingua en ámbitos como o ensino e os medios de comunicación.
Niveis da Transición
Así, o presidente da Mesa denuncia que o emprego do galego nos medios privados do país está nos niveis máis baixos dende a Transición. Callón culpa a Xunta, en concreto á Presidencia do Goberno, de permitir que as subvencións que reciben os empresarios da comunicación para fomentar a lingua non se traduzan nun uso real do idioma. Por iso, urxe a Xunta a “tomar medidas” e a “exercer a súa responsabilidade”.
No referido aos medios públicos, a Mesa alerta do “claro retroceso” nos medios do Estado. Callón incluso asegura que o uso do galego está en “mínimos históricos na CRTVE” malia “as peticións do Parlamento, dos traballadores e da sociedade”.
Mellora na CRTVG
Polo contrario, a Mesa fala de “melloras substanciais” na CRTVG, aínda que tamén indica que “queda moito camiño por recoller”.
En opinión de Callón “non hai ningún ámbito da vida social no que non se garanta que se poida usar o galego nun 50 por cento como mínimo”. En particular atacou a Consellaría de Educación –de quen dixo que non está a facer cumprir as porcentaxes mínimas de horas en galego– e a Secretaría Xeral de Política Lingüística, á que acusou de “non actuar e ter unha liña continuísta dende tempos do Goberno do PP”.
Os conservadores e a asociación Galicia Bilingüe foron outros dos obxectivos da Mesa. Callón argumenta que este partido e a asociación que dirixe Gloria Lago están a montar unha “escandaleira cínica” ao alertar dos supostos ataques ao español no país.
Chamamento aos concellos
A Mesa agarda que a manifestación do 18 de maio sexa “masiva” e fai un chamamento a asociacións, sindicatos e outros organismos –especialmente aos concellos– a unirse á convocatoria. O manifesto da protesta será aprobado este sábado, 29 de marzo, durante a Asemblea Xeral que terá lugar na Galería Sargadelos de Santiago.
Fonte: A Nosa Terra.
sexta-feira, 7 de março de 2008
Sobre a política lingüística das televisons locais em Ferrol
Por iniciativa de um dos seus mais qualificados membros, o Conselho Municipal de Língua começou já a abordar um problema velho que se tornou mais grave durante as últimas duas legislaturas: os canais de televisom locais (Canal 31 e Localia) excluem explicitamente o galego das suas programaçons, sem que o Governo municipal faga nada, a nom ser financiá-los por publicidades institucionais amiúde também em espanhol.
Nom é fácil explicar o mecanismo mental que pode estar a funcionar nas cabeças das pessoas responsáveis polas empresas promotoras de Canal 31 e de Localia para fazerem umha tam clara discriminaçom de um idioma tam arreigado na nossa comarca como é o galego. Trata-se de desconhecimento? de inércia por anos de explícita marginalizaçom? talvez de critérios empresariais? quais critérios?
Insistimos, nom é fácil explicá-lo. Será que pretendem que, se alguém que nom conheça a realidade lingüística da nossa comarca e tenha acesso à mesma só através das suas ondas, acredite que em Ferrol e a sua comarca o espanhol é a única língua de uso social?
Se assim fosse, as empresas que sustentam os canais televisivos locais estariam a fracassar, pois nom conseguem evitar que apareçam intervenientes que, 'rompendo o protocolo', falam num idioma que muitos ferrolanos e ferrolanas falamos dia a dia, como é lógico.
Porque entom esse pseudo-segregacionismo lingüístico nuns meios que teoricamente estám aí para servirem à audiência, para reflectirem a realidade da comarca? porque esse sesgo ideológico que parece partir da necessidade de conduzir o galego à mais absoluta marginalidade? Porque politizam o galego desse jeito?
Sendo dificilmente explicável todo este assunto, mais inexplicável nos parece que a instituiçom municipal ferrolana continue a financiar esses dous meios de comunicaçom que desprezam de maneira tam clara o idioma que os nossos governantes deveriam situar, segundo as leis que eles aprovárom, no mesmo nível de uso social que o espanhol.
terça-feira, 26 de fevereiro de 2008
Uxío Fernández (director de Ferrolhoy), outro cruzado contra o galego
A revista comarcal Ferrolhoy constitui um bom exemplo desse sector empresarial e sociopolítico lançado a favorecer umha rápida "soluçom final" para a incómoda presença do galego no nosso país. Que nom conhecedes a revistinha? pois pouco perdedes...
A revista, exclusivamente escrita em espanhol, tem periodicidade mensal e financiamento de empresas imobiáliárias, comércios como 'Acevedo' e outras empresas comarcais como o 'Diario de Ferrol', 'Gimnasio Bitácora', 'mi casa' , o 'Hotel Husa Odeon' e outras que incluso se publicitam em galego (surrealista), e que nom sabemos se sabem em que investem o seu dinheiro.
Em todo o caso, se ao longo do primeiro ano desde que foi publicada pola primeira vez podíamos adivinhar as ideias destiladas polo seu director, Uxío Fernández, totalmente refractário a qualquer cessom de espaço ao nosso idioma -excepto o espaço publicitário, claro-, no últio número, o 13, o egrégio socio da Sociedad Artística Ferrolana abre o seu coraçom e a sua cabeça aos leitores e leitoras com um discurso tam claro como letal.
Diante das queixas de um leitor que se identifica como representante da Mesa pola Normalización Lingüística em Ferrol, Uxío Fernández recorre ao novo 'argumentário' ultra como justificaçom para laminar de vez a presença mediática -e social- do nosso idioma.
Como álibi para a política lingüística da sua subsidiada revista, Uxío Fernández sublinha que o galego é hoje já idioma minoritário na Galiza ("más de la mitad de los nacidos en Galicia han tenido su lengua materna en el castellano, o emplean este como su primer idioma").
A partir daí, mostra-se crítico com o modelo 'normalizador' aplicado até hoje, pois segundo ele estamos a viver "el rechazo a una manera de pretender normalizarlo". Mas, entom, será que ele tem umha proposta melhor?
Tem, tem. É a que aplica na sua revista: "¿y por qué no hacemos la revista bilingüe?, pues porque en castellano la pueden leer todos, y en gallego lo harían muchos menos. No queremos tener que decidir a que informaciones les restamos la mitad de los lectores".
Nom vale a pena continuar a reproduzir as ideias lingüicidas que Uxío Fernández defende e pratica. Basta comentar que, ao lado dele e da sua revistinha, La Voz de Galicia e El Correo Gallego aparentam grande compromisso com o idioma histórico da Galiza.
Mas sim achamos interessante lembrar quem financia com a maior publicidade o número 13 da revista Ferrolhoy: a Conselharia do Trabalho da Junta da Galiza. Será que, no fundo, também a Junta da Galiza apoia os fins de Uxío Fernández? Como se explica entom que destine dinheiro público a financiar umha empresa de comunicaçom abertamente contrária à inclusom de umha só linha no idioma falado -ainda hoje- pola maioria da populaçom galega?
Para concluir, oferecemos-vos o correio electrónico de Uxío Fernández, convidando-vos a escrever-lhe com as vossas opinions sobre a política lingüística da publicaçom que edita, com sede em Pontedeume.
redaccion@imagenycomunicacion.com
E, naturalmente, as pessoas que ainda mantemos algumha dignidade e auto-estima como galegos e galegas, evitaremos financiar semelhante publicaçom e espalharemos a necessidade de que projectos como Ferrolhoy fracassem mais cedo que tarde, o que sem dúvida já teria acontecido se nom contasse com importantes ajudas financeiras da Junta da Galiza.
P.S. Se ficaste com curiosidade sobre o conteúdo integral do editorial assinado por Uxío Fernández, nom é preciso comprares a revista. É só clicares na imagem para a veres a tamanho real e poderes ler o texto completo:
quarta-feira, 30 de janeiro de 2008
[O Xornal] A Xunta e Eroski firman un convenio para promover o uso do galego nos móbiles
Eroski e Vegalsa fomentarán como un dos requerimentos básicos dos seus terminais, nos seus pedidos a fabricantes, que o galego sexa unha opción idiomática dos menús e aplicacións.
Os grupos de distribución alimentaria EROSKI e Vegalsa-Grupo Eroski e a Consellería de Innovación e Industria, da Xunta de Galicia, veñen de subscribir un protocolo de colaboración por medio do cal fomentarán de forma progresiva durante a vixencia do convenio, 31 de decembro de 2008, a presenza do galego no ámbito da telefonía móbil. Asinaron o convenio por parte de EROSKI, a directora da Secretaría Xeral da Presidencia, Leire Barañano Orbe; por Vegalsa, o director xeral, Joaquín González Iglesias; e por parte do departamento de Innovación e Industria, o conselleiro, Fernando Xavier Blanco Álvarez.
Entre os compromisos concretos que adquiren EROSKI e Vegalsa, a través da súa operadora de telefonía, figuran o de fomentar como un dos requerimentos básicos dos terminais, nos seus pedidos a fabricantes, que o galego sexa unha opción idiomática dos menús e aplicacións. Este compromiso farase efectivo nos pedidos do próximo verán e de Nadal e Reis de 2008. Así mesmo, comprométense a realizar, dentro das súas comunicacións, campañas cos seus aboados sobre a disposición de terminais en galego, ofrecendo a posibilidade de renovar e/ou substituír os móbiles que non teñan a opción de galego por terminais que sí a teñan, e adquirir móbiles coa opción de galego. Tamén se comprometen a indicar claramente en calquera soporte publicitario, puntos de distribución e no seu sitio web que as terminais teñan a opción de galego. Vegalsa comprométese en toda a súa rede de supermercados da xeografía galega a facer as recargas de telefonía móbil e a difusión do galego.
Pola súa banda, a Xunta de Galicia, a través da Consellería de Innovación e Industria, facilitará o apoio institucional necesario a calquera iniciativa da operadora que teña como finalidade a promoción da lingua e a cultura galegas. Ademais, facilitará gratuítamente o asesoramento lingüístico á operadora de EROSKI que así o solicite na revisión terminolóxica das traducións ao galego. A Consellería promocionará anualmente, con prioridade durante a campaña de Nadal e de Reis, as novidades que haxa en galego baixo o concepto xenérico “Telefonía móbil en galego”, citando expresamente a operadora de EROSKI.
Dereito dos galegos
A Lei 3/1983, de 15 de xuño, de Normalización Lingüística, recoñece os dereitos dos cidadáns galegos en materia lingüística, particularmente o dereito a expresarse en calquera das dúas linguas oficiais. O Decreto 231/2006, do 23 de novembro, polo que se establece a estrutura orgánica da Consellería de Innovación e Industria, asume, a través da Dirección Xeral de Promoción Industrial e Sociedade da Información, entre outras competencias, a de promover actuacións relacionadas co desenvolvemento da sociedade da información e do coñecemento, fomentando o uso das novas tecnoloxías da información e as comunicacións en todos os ámbitos da sociedade galega.
O Parlamento de Galicia aprobou recentemente o Plano Estratéxico Galego da Sociedade da Información (PEGSI) presentado pola Consellería de Innovación que inclúe dentro das súas estratexias o uso do galego nas utilidades cotiás da sociedade da información. Ademais, a Mesa do Parlamento de Galicia acordou por unanimidade a admisión a trámite da Proposición non de Lei sobre a adopción de medidas para a incorporación da lingua galega aos teléfonos móbiles.
Fonte: O Xornal.
terça-feira, 29 de janeiro de 2008
[A Nosa Terra] Ata logo, Xabarín
A TVG elimina o programa xuvenil da franxa de tarde e só se emitirá polas mañáns
O porco bravo máis coñecido de Galiza deixa aos nenos sen entretemento de tarde, e é que a TVG pasará a emitilo só en horario matinal.
Segundo indicou A Mesa pola Normalización Lingüística e o Colectivo de Pais e Nais polo ensino en Galego, a cadea autonómica reduce o horario do clube a un oco a primeira hora da mañá e aos sábados na mesma franxa.
“Grave retroceso”
Para ambas organizacións a prol do galego, este feito supón un “grave retroceso”, xa que o Xabarín foi “dende os seus comezos”, unha ferramenta privilexiada para a transmisión do galego aos máis novos da casa.
Alicerce dunha xeración
Deste xeito, toda unha xeración ve como o mítico espazo xuvenil que acadara notabel éxito con series de animación, concursos e cancións en galego, queda relegado a un espazo de menor audiencia. Mesmo hai quen fala xa da Xeración Xabarín.
Fonte: A Nosa Terra.
sábado, 19 de janeiro de 2008
Cocktail deprimente: Localia Ferrol e os membros do PSOE no governo municipal
Chama a atençom a praticamente absoluta exclusom do galego no canal televisivo de Locália em Ferrol. E chama mais a atençom quando a comparamos com os canais dessa mesma emissora do Grupo Prisa na Catalunha, onde o catalám tem umha presença significativa.
Vamos dar só dous exemplos para esse cocktail deprimente, porque tampouco queremos cair na depressom crónica:
O primeiro, o programa desportivo de anteontem, quinta-feira, em que o apresentador se empenhou em falar espanhol de maneira imperturvável, inclusive com os dous treinadores de categorias inferiores do Racing de Ferrol que entrevistou, sendo ambos galegofalantes.
E o segundo, ontem mesmo, o telejornal, cuja apresentadora e restantes colaboradores mantenhem também o espanhol como único idioma de emissom. Neste caso, a situaçom ficou ainda mais triste quando vimos desfilar diferentes políticos e políticas municipais e autonómicos, e todos eles e elas esquecêrom os acordos de governo assinados e o papel reservado ao galego nos mesmos.
Foi o caso, como já vem sendo habitual, de Vicente Irisarri, máxima autoridade municipal de Ferrol, do PSOE, que só durante a campanha eleitoral fijo alguns esforços para falar em público na língua de um sector ainda importante do povo de Ferrol. Junto a ele, o conselheiro da Presidência da Junta da Galiza, José Luís Mendes Romeu, também do PSOE, que, como Irisarri, esqueceu que o acordo assinado polo seu partido em 2005 para co-governar com o BNG na Junta incluía o compromisso de que todos os membros do governo utilizassem o galego nos actos públicos.
Outra com pouca memória é Beatriz Sestayo, deputada autonómica e vereadora em Ferrol, também do PSOE, que também falou para a cámara de Localia em representaçom do governo local no programa informativo de ontem à noite, e como Irisarri e Mendes Romeu falou em exclusivo espanhol.
Parece claro que, para a maioria do pessoal que nos governa, a populaçom galegofalante nom existe, nom vota ou, simplesmente, nom conta. Mas, como nom todos os ferrolanos e ferrolanas concordamos com essa atitude da maioria dos políticos e dos meios de comunicaçom em Ferrol, queremos deixar aqui constáncia de que, além de existirmos, temos direitos lingüísticos e queremos exercê-los.
sexta-feira, 18 de janeiro de 2008
[RTP] Galiza: Governo regional "está a trabalhar" para recepção das televisões portuguesas mas admite "grandes dificuldades"
Viana do Castelo, 17 Jan (Lusa) - O presidente da Junta da Galiza garantiu hoje que o seu executivo "está a trabalhar" para permitir a recepção das rádios e televisões portuguesas naquela região autónoma de Espanha, mas admitiu que o processo envolve "grandes dificuldades".
Em entrevista à Lusa, Emilio Perez Touriño explicou que as "grandes dificuldades" têm a ver com "as limitações do espaço radioeléctrico existente" na Galiza.
"A nossa prioridade será sempre garantir a correcta recepção na Galiza dos novos canais, tanto públicos como privados, de âmbito local e autonómico", disse Emilio Touriño.
A recepção de novos canais só será possível depois de realizado o "apagão analógico" na Galiza e a implantação da televisão digital terrestre, após o que o governo regional solicitará um multiplexer (conjunto de frequências) autonómico adicional, que implicará um investimento de 15 milhões de euros.
"A transição da tecnologia analógica para a digital implica, no caso da Galiza, a difusão, em sinal aberto, de mais de 40 novas televisões locais e duas novas televisões privadas de âmbito autonómico, além da conversão em digital dos canais privados e públicos estatais e autonómicos", referiu Touriño.
"Apesar de a prioridade do governo regional ser garantir a correcta recepção na Galiza dos novos canais, temos o compromisso de incorporar as emissões portuguesas na oferta mediática actual, uma vez consumado o apagão analógico", acrescentou.
O ministro dos Assuntos Parlamentares, Augusto Santos Silva, já disse que o Governo português segue "com interesse" a possibilidade das televisões portuguesas passarem a transmitir para a Galiza e colaborará nesse processo.
O primeiro-ministro espanhol, José Luis Zapatero, também garantiu que o Governo está aberto a estudar a possibilidade de dar meios técnicos adicionais para a difusão da televisão portuguesa na Galiza, mas frisou que este é um "tema complexo, com dificuldades técnicas, jurídicas e económicas".
Fonte: Rádio Televisão Portuguesa.
[A Nosa Terra] Colaboración da TVG e a RTP
H. Vixande. As televisións galega e portuguesa realizarán proxectos comúns e compartirán espazos.
A partir da emisión en Portugal dun documental galego sobre o cantante José Afonso, as relacións entre as canles públicas galegas e portuguesas consolidáronse e o ano pasado a TVG e a Radio Televisión Portuguesa realizaron unha gala conxunta con ocasión do 25 de abril que probabelmente se repetirá nos vindeiros anos con puntualidade.
Ademais, as direccións das dúas canles tiñan moi avanzadas as negociacións para realizar unha serie de ficción e a emisión en Portugal dunha serie documental sobre a lusofonía realizada en Galiza. Estas negociacións detivéronse cando se renovou completamente a dirección da RTP, mais está prevista a súa reanudación proximamente.
A serie documental chámase Terras de Acolá e consiste en trece episodios de media hora de duración dirixida por Luís Menéndez que aborda a realidade dos países da lusofonía, incluídos entre eles a Galiza.
A TVG comezará en febreiro a súa emisión, para difundirse despois en Portugal. Respecto á colaboración de ficción, trátase dunha minserie dirixida polo portugués Leonel Vieira. É unha historia de suspense sobre mafias na fronteira. Xa hai unha partida orzamentaria para realizala. Na serie participa a produtora galega Continental.
Fonte: A Nosa Terra.
sábado, 12 de janeiro de 2008
[A Nosa Terra] Para que as televisións portuguesas na Galiza?
Ângelo Gonçalves, Fundación Vía Galego
O goberno da Xunta, a través do director xeral de Comunicación Audiovisual, manifestaba no pasado 21 de decembro a súa vontade de facer realidade a recepción das televisións portuguesas na Galiza no futuro, reaccionando deste modo, por fin, perante a boa vontade manifestada en semanas anteriores desde os gobernos de Madrid e Lisboa, ben como desde outras instancias de relevancia.
Cómpre agora non esquecer o asunto e contribuír para que a tal vontade encontre concreción á maior brevedade posíbel. E neste sentido poderá ser de utilidade procederse a un labor pedagóxico que se centre na explicación dos proveitos esperábeis do visionado dos canais do país veciño para a Galiza.
Pode comezarse polo máis obvio. A recepción de canais portugueses significará o enriquecemento da oferta televisiva na Galiza e, por tanto, a mellora das posibilidades de os nosos receptores caseiros proporcionárennos un tempo de lecer satisfactorio cando os escollermos a tal fin, coas consecuencias positivas inmediatas que isto supón para a cualidade de vida das persoas. A isto debe ser acrecentado que en non poucos ámbitos programáticos as televisións portuguesas van por diante das do Estado español, sendo alí emitidos contidos que só meses despois chegan aquí.
A facilidade de acceso aos medios audiovisuais do alén Miño tamén nos habilitará para, moito máis sinxelamente, achegármonos á actualidade de territorios cos que boa parte da cidadanía galega ten contacto frecuente e relevante. Falo das persoas que traballan en Portugal, das que teñen negocio alí ou mesmo das que viaxamos alí para facermos compras ou pasear a cada pouco. Non fai sentido que a través da televisión poidamos acceder facilmente á actualidade de Almería, a onde boa parte de nós non viaxará nunca, e que non poidamos saber o que acontece en Valença do Minho ou Vila Nova de Cerveira, a onde moitos viaxarán varias veces no mes ou na semana.
O maior coñecemento na Galiza da actualidade portuguesa axudará tamén, con absoluta certeza, ao aproveitamento de sinerxías, de parcerías en todos os ámbitos imaxinábeis, que se perden, moitas veces, por falta de información e consciencia mutua. Isto pode resultar especialmente importante para o desenvolvemento da eurorrexión Galiza – Norte de Portugal, na que tanto esforzo se está a investir e que tan bos resultados está a producir xa no económico.
Como é sabido, boa parte das series e filmes en Portugal son emitidos en versión orixinal e con lexendas, estando os orixinais maioritariamente en lingua inglesa, derivándose disto unha maior facilidade para acceder ao inglés falado, que sempre poderá ser de axuda para quen estiver a aprender este idioma (a eficacia do sistema vén demostrada precisamente polo bo inglés que se verifica en Portugal; contrastando isto co pésimo nivel do Estado español), e proporcionando tamén un modo fácil e inmediato para nos irmos familiarizando co modo en que os portugueses escriben o noso idioma.
Finalmente, precisamente por seren televisións que empregan unha variante inserida no noso mesmo sistema lingüístico, a súa influencia será positiva para a desexábel recuperación da cualidade do idioma propio da Galiza, achegando palabras e expresións que sirvan para, polo menos, facilitar dun modo espontáneo e que require de pouco esforzo alternativas a castelanismos como “por suposto”, “plantexar” ou “sen embargo”, tales como “é claro”, “colocar” ou “no entanto”, respectivamente. E aínda será de interese para, dun modo con certeza máis eficaz que mil conferencias, lembrarmos á cidadanía galega que a lingua que naceu no Reino da Galiza é, como defendeu o galeguismo desde sempre, extensa e útil, coa importancia que isto ten no mundo global.
Fonte: A Nosa Terra.
